အိမ်

အိပ်ချင်သော်လည်း အိပ်၍မပျော်သောညသည် ခက်ခဲပင်ပန်းလွန်းလှပေစွ။ အခန်းထဲသို့ အပြင်ဘက်ဆီမှ မဆိုစလောက် ဖြာကျနေသော အလင်းရောင်ကြောင့်သာ စိတ်ပင်ပန်းမှုများသည် အနည်းငယ် ပြေလျော့သလို ထင်ရသည်။ တစ်ခန်းလုံးများ မှောင်အတိဖြစ်နေလျှင် ညသည် ပို၍ ခြောက်ခြားဖွယ်ရာနှင့် စိတ်ဆင်းရဲခြင်းအတိများနှင့် ပြည့်စုံနေသော ညဖြစ်မည်မှာ မုချ။ ဟိုသည်လူးလှိမ့်ရင်း ကြယ်တာရာဟူသည် တစ်ပြောက်စ နှစ်ပြောက်စပင် အလျဉ်းမရှိသော ကောင်းကင်ယံသို့ လှမ်းမျှော်ကြည့်ရင်း စိတ်အလျဉ်သည် ကျွန်းလေးပေါ်ရှိ အခန်းကျဉ်းလေးထဲမှ ပင်လယ်ကိုဖြတ်၍ ကြယ်ရောင်ပျိုးပျိုးပြက်ပြက်အောက်က အိမ်လေးထဲသို့ အလည်ရောက်သွားသည်။

မီးရောင်မလင်းတလင်းအောက်က အိမ်လေးသည် ရယ်မောပျော်ရွှင်ဖွယ်ရာ စကားသံများနှင့် ဝေလျှံနေသည်။ အာကာတစ်ခွင်တွင် ပြည့်လုဆဲဆဲ လကြီး၏ ပြုံးရယ်နေဟန်အား ငွေရောင်အပွင့်လေးများက ပိုမို၍ အားဖြည့်နေကြသည်မို့ ဖိတ်လျှံကျနေသော သူ့ပုလဲရည်များသည် လမ်းမထက်ဝယ် ဟိုတစ်ကွက်၊ သည်တစ်ကွက်နှင့်။ ကလေးများက လရောင်အောက်တွင် ပျော်ရွှင်စွာ ဆော့ခုန်နေကြသလို၊ လူလတ်ပိုင်း လူကြီးပိုင်းများက စကားတပြောပြောနှင့် လမ်းလျှောက်ထွက်ကြသည်။ ညလေးသည် ချမ်းမြေ့ခြင်းအတိနှင့် ပြီးပြည့်စုံနေလေသည်။

သက်ရှိလူသား၏ တန်ဖိုးဖြစ်စေ၊ သက်မဲ့အရာဝတ္ထု၏ တန်ဖိုးဖြစ်စေ၊ ပျက်ဆီး၊ ပျောက်ဆုံး၊ ဝေးကွာသွားမှ ပို၍တန်ဖိုးပိုထားတတ်လာသည်မှာ လူ့သဘာဝပေပဲလား။ လွတ်လပ်ခြင်း၏တန်ဖိုးကို လွတ်လပ်စွာမနေရမှ သိမြင်လာသလို၊ ပြုံးရယ်ခြင်းများ၊ ချစ်ခင်ခြင်းများနှင့် ပြည့်စုံနေသော အိမ်လေး၏ တန်ဖိုးကို စက်ရုပ်လူသားဆန်ဆန် မျက်နှာထားများကြားနေရမှ၊ အခန်းကျဉ်းလေးထဲ တစ်ကိုယ်တည်း နေရမှ နားလည်တန်ဖိုးထားတတ်လာသည်။

စိတ်တွင် တစ်စုံတစ်ရာထိခိုက်မိချိန်၊ စိတ်အားငယ်ချိန်၊ မိမိအားကိုးသော ချစ်ခင်သောသူများကို ရင်ဖွင့်လိုသော်လည်း အနားတွင် တစ်ဦးတစ်ယောက်မျှ မရှိ။ ထိုချိန်ဝယ် အဝေးရပ်ဆီမှ အမေ့အားပေးစကား၊ အဖေ့အားပေးသံများကြားရလျှင် မျက်ရည်များသည် အလိုလိုခုန်ဆင်းလာတတ်ကြကာ အေးမြလှသော အိမ်လေးကို လွမ်းဆွတ်မိ သည်။ ပျော်ရာမှာမနေ၊ တော်ရာမှာနေရသည်ဆိုသော်လည်း ကိုယ့်အတ္တကို ရှေ့တန်းတင်လို့ စွန့်ခွာခဲ့ပြီးမှ တော်ရာမှာနေရတာရော ဟုတ်ရဲ့လားဟု ဆန်းစစ်မိတိုင်း သံသယအဖြေတွေက တနင့်တပိုးနှင့်။ လက်ရှိမှာတော့ အထပ်မြင့်အဆောက်အဦထဲက အခန်းကျဉ်းလေးသည် ကိုယ့်အိမ်ပင်။ အချိန်အတိုင်းအတာတစ်ခုထိတော့ သည်အခန်းလေးထဲမှာ တည်းခိုရပေဦးမည်။

အကယ်၍များ ကိုယ်တို့ပိုင်ဆိုင်သော အိမ်လေးများသည် စိတ်ပင်ပန်းဆင်းရဲမှုများ၊ နာကျည်းမုန်းတီးမှုများနှင့် ပြည့်လျှံနေခဲ့လျှင်.. အာဃာတများ၊ အမုန်းတရားများနှင့် တည်ဆောက်ထားသည်ဆိုလျှင်… မည်သူက ပြန်ချင်ပါမည်လဲ။ မည်သူက လွမ်းဆွတ်တမ်းတနေပါမည်လဲ။ ပိုင်ဆိုင်သည့် အိမ်လေးများသည် ကိုယ်တို့ကို နွေးထွေးခြင်းများနှင့် အားအင်များ အပြည့်အဝပေး၍ ရပ်တည်ခြင်းငှာ ဖေးမနိုင်သော အိမ်လေးဖြစ်ရမည်။ ထိုကဲ့သို့ အိမ်လေးဖြစ်ရန် တစ်ဦးတစ်ယောက်အားနှင့်မရ။ အိမ်လေးအား ပိုင်ဆိုင်ကြသောသူတိုင်းပေါ်တွင် တာဝန်ရှိသည်။ မိမိတို့ပိုင်ဆိုင်သော အိမ်လေး သာယာချမ်းမြေ့စေရန်၊ ရောက်လာသမျှ ဧည့်သည်တိုင်းအား ကြည်နူးမှုအေးရိပ်ပေးနိုင်စေရန်မှာ အိမ်တစ်အိမ်၏ အိမ်ထောင်ဦးစီးပေါ်တွင်သာမက အိမ်သားများအားလုံး၏ တာဝန်ဖြစ်သည်။

အိမ်လေးတစ်လုံး လှပခိုင်ခန့်၍ ကာလကြာရှည်စွာ တည်ရှိနေနိုင်ရန် ပြုပြင်မွမ်းမံမှုများကိုလည်း စဉ်ဆက်မပြတ် လုပ်ဆောင်ရန်လိုသည်။ အသစ်နှင့် လဲလှယ်ရမည့်နေရာ လဲလှယ်၊ စွန့်ပစ်ရမည့်အရာများအား စွန့်ပစ်၍ လက်ရာကောင်းကောင်းနှင့် စနစ်တကျ ပုံဖော်ထုဆစ်မှသာ လိုချင်သည့် အိမ်လေးတစ်လုံး ပိုင်ဆိုင်မည်မဟုတ်ပါလား။ အိမ်လေး အစဉ်လှပကျက်သရေရှိစေရန်မှာလည်း အိမ်ထောင်ဦးစီးနှင့် အိမ်သားများ မည်ရွေ့မည်မျှ အပေးအယူမျှတစွာဖြင့် ညီညွတ်ချစ်ခင်စွာ နေထိုင်ကြခြင်းအပေါ် များစွာ တည်မှီနေပြန်သည်။ ချစ်ကြည်ဖြူစွာ ပြုမူဆက်ဆံနေထိုင်ကြသည့် အိမ်လေးတစ်လုံးကို ပိုင်ဆိုင်ပြီဆိုလျှင် ထိုအိမ်လေးကို မည်သူကမျှ မစွန့်ခွာချင်ကြ။ အကြောင်းအမျိုးမျိုးကြောင့် စွန့်ခွာခဲ့ရသည့်တိုင် လွမ်းဆွတ်မိတတ်ကြ၍  အခွင့်သာလျှင် ပြန်လည်နားခိုချင်တတ်ကြစမြဲ။

သာယာချမ်းမြေ့သည့် အိမ်လေးတစ်လုံး လိုချင်သည့်တိုင် ကိုယ်စီ တာဝန်ဝတ္တရားများကို လွှဲချ၊ ဖယ်ရှောင်နေလျှင် စိတ်ကူးယဉ် အိမ်ကိုသာ ပိုင်ဆိုင်ကြရပေမည်။ ထို့ပြင် အိမ်တစ်လုံးပိုင်ဆိုင်ရစေကာမူ ပြုပြင်မွမ်းမံရမည့် အရာများအား လျစ်လျူရှုထားပြန်လျှင်လည်း တဖြည်းဖြည်းနှင့် ခြစားသည့်အဆင့်သို့ ကျဆင်း၍ အိမ်လေး ပျက်ဆီးရပေလိမ့်မည်။ ကိုယ်စီကိုယ်ငှ ပိုင်ဆိုင်ထားသော အိမ်လေးများအား ပိုမိုကောင်းမွန်ရန် စနစ်တကျ လုပ်ဆောင်ရမည်မှာ ထိုအိမ်လေးတွင် နေထိုင်ကြသော အိမ်သားအားလုံး၏ တာဝန်ဖြစ်ပေသည်။

ကိုယ် လွမ်းဆွတ်မိသော ကိုယ့် အိမ်လေးသည် ပျော်ရွှင်ချမ်းမြေ့ခြင်းများနှင့် ပြည့်စုံလျက်၊ နွေးထွေးသော ရင်ဘက်များနှင့် တည်ဆောက်ထားသည်။ သို့အတွက် အဝေးတစ်နေရာ အခန်းကျဉ်းထဲမှ စိတ်သည် အိမ်လေးဆီသို့ အချိန်တိုင်း အလည်ရောက်ရောက်သွားတတ်သည်မှာ အဆန်းတကြယ်မဟုတ်ပေ။ မှောင်နေသော အခန်းလေးဆီမှ လွမ်းရိပ်ကို အိမ်လေးခံစားသိရှိနားလည်ပါလိမ့်မည်။ မည်သို့ပင်ဖြစ်စေ ပြန်ချင်ရက်နှင့် မပြန်နိုင်ကြသော၊ ပိုင်ဆိုင်ထားသော အိမ်လေးများ ဆုံးရှုံးခဲ့ရသော၊ ကြိုဆိုသူကင်းမဲ့နေသော သူများထက်စာလျှင် ကိုယ့်တွင် နွေးထွေးလက်အစုံများနှင့် အချိန်တိုင်း ကမ်းလင့်ကြိုနေကြသည့် ရင်ခွင်များ များပြားစွာ…။

ကြယ်တာရာများကင်းမဲ့နေသော ကောင်းကင်အောက်ရှိ အခန်းထဲမှ မျက်ဝန်းတစ်စုံတွင် လွမ်းရိပ်များ ဝေ့သီလျက်…။ မကြာသော အချိန်တွင် အလွမ်းအဆွေး တေးသံတစ်ပုဒ် ထိုမျက်ဝန်းမှ ဖိတ်လျှံကျလာချိန်၊ ကြယ်ပွင့်လေးများဖြင့် လင်းလက်နေသော အိမ်လေးဆီမှ စာလေးနှစ်စောင် အွန်လိုင်းမှတစ်ဆင့် ဖုန်းထဲ ပြိုင်တူဝင်လာသည်။ "သမီး… မိုးချုပ်နေပြီ… မအိပ်သေးဘူးလား" ဟူ၍။ 

ဂျွန်မိုး

18-6-2013 (00:56 AM)

သရုပ်ခွဲ ဇာတ်ညွှန်းတစ်ပုဒ်

ပြတင်းပေါက်ခန်းဆီးစကို ဆွဲဖယ်လိုက်စဉ် အပြင်ဘက်မှ မိုးငွေ့ပါသော လေအေးများ တိုးဝင်လာကြသည်။ ထိန်ထိန်ဝါတောက်ပနေသော မီးရောင်များအောက်မှာ သက်ဝင်လှုပ်ရှားနေသော ကွန်ဒိုများ၊ အီလက်ထရောနစ် ရထားများ၊ အဆင့်မြင့် ကားများက ည၏အလှအပကို ပို၍ပေါ်လွင်စေသကဲ့သို့။ ညဆိုတော့… ကိုယ်တို့မြို့က ညလေးတွေကို ပြန်လွမ်းမိသည်။ လပြည့်ရက်များဆိုလျှင် မီးရောင်ထက် လရောင်ကို ပို၍အားကိုးကာ မြို့လေးသည် လှချင်တိုင်း လှနေတတ်သည်။ လတစ်ခြမ်းပဲ့ကိုပင် ချစ်တတ်သော မြို့လေးပင်။ ကလေးငယ်များကလည်း မလာတစ်ချက် လာတစ်ချက် မီးရောင်ထက် ထိန်ထိန်သာသော လပြည့်ဝန်းကိုပင် ပို၍ ချစ်ကြသည်။

တစ်ချက်တစ်ချက် ညာသံပေး၍ ဆိုက်ကပ်တတ်သော ရထားများကြောင့် ကိုယ်တို့မြို့က အချိန်မှန်ခြင်း မမှန်ခြင်းထက် စိတ်လိုလက်ရရှိချိန်မှ ဆိုက်တတ်သော လူစီးနည်း တန်ဖိုးမြင့် ရထားများကို သတိရမိသည်။ ငယ်ငယ်က ရထားစီးလျှင် လေဒလဟော ရသည့်အပြင် ပတ်ဝန်းကျင်၏အလှတရားကိုလည်း ခံစားနိုင်သောကြောင့် ရထားစီးရခြင်းကို အလွန်နှစ်သက်ခဲ့မိသည်။ ရထားပေါ်တက်လိုက်သည်နှင့် လေအေးပေးစက်မှ ထွက်လာသော လေအေးများ၏ လွှမ်းခြုံခြင်းကို ခံစားရသော်လည်း ငယ်ငယ်ကစီးခဲ့သော ရထားလောက် မမက်မောမိချေ။

MRT Card ကို ငွေအလုံအလောက်ထည့်ထားလျှင် လိုရာသွားနိုင်သော ခရီးများတွင် စပယ်ယာထံမှ ပိုက်ဆံအနွမ်းများ၊ အစုတ်များရမှာကို မပူရသလို၊ ငေါက်ငမ်းသံများအစား ချိုသာသော အသံလွင်လွင်ကိုသာ ကြားရသည်။ ကြာလာတော့လည်း ချိုချိုသာသာအသံအစား အလိုမကျ ငေါက်ငမ်းသံများကို ပြန်လွမ်းမိသလိုလို။ လမ်းတစ်လျှောက် လွယ်လင့်တကူသွားနိုင်ရန် အညွှန်းဆိုင်းဘုတ်များနှင့် မြေပုံတွေကို မြင်ရပြန်တော့ မကျွမ်းကျင်သော လမ်းများတွင် ဆိုင်ကယ်တစ်စီးနှင့် တစ်လမ်းဝင်တစ်လမ်းထွက် မေးမြန်း၍ သွားခဲ့ရသည်ကို သတိရမိသည်။ ကိုယ့်အတွက်ကတော့ အံဝင်ခွင်ကျဖြစ်နေသည့် အရာများထဲမှ သွေဖည်၍ နေရသည့်အတွက် ပြည့်စုံသည့်နေရာတွင် မပြည့်စုံသလို ခံစားမိလေသည်။

လ္ဘက်ရည်ကို နှစ်ချို့သောက်ခဲ့သော ကိုယ့်အတွက် မနက်မိုးလင်းလျှင် လွယ်ကူသော ပေါင်မုန့်နှစ်ချပ်နှင့် ကော်ဖီတစ်ခွက်တို့သာ အဖော်သစ်ပင်။ အလျဉ်းသင့်မှ သတင်းစာ ကောက်ကိုင်တတ်သော ကိုယ်… ကော်ဖီတစ်ခွက် စက်ရှေ့ချ ပြေးဝယ်ထားသော သတင်းစာမှ အလုပ်ကြော်ငြာများနှင့် နပန်းလုံးရသည်။ တစ်စောင်ကို ဆင့်ကိုးဆယ်ပေးရသော သတင်းစာကို နေ့တိုင်းဝယ်ရကာမှ အဆင်သင့်ဖတ်နိုင်ရန် လစဉ်ပေးဝယ်သော အဘွားတို့ကို ကိုယ်ချင်းစာမိသည်။ အိမ်မှပါလာသမျှ ချွေတာသုံးရင်း ဘုရားရှေ့တွင် ဆုတောင်းရသည်မှာလည်း ရှင်တော်မြတ်ဘုရားသာ သက်ရှိထင်ရှားရှိနေဦးမည်ဆိုလျှင် နားခံသာမည်မဟုတ်ပေ။ ရသမျှ ပရိတ်၊ ပဌာန်းတို့ကို ဌာန်ကရိုဏ်းကျသည် မကျသည်ထက် အလိုလောဘအားကိုးနှင့် အကြိမ်များစွာ ရွတ်ရပြန်သည်။

ဘုရင့်နောင်ဖောင်ဖျက်သည့်ထုံး နှလုံးမူကာ စိတ်မာန်တင်းခဲ့သော်လည်း သိမ်ငယ်စိတ်များ ဝင်လာချိန်တိုင်း မျက်ဝန်းမှ မျက်ရည်များ စို့တက်လာတတ်သည်။ ထိုမျက်ရည်များကြားမှ ကိုယ့်ဇာတ်ညွှန်း ပြီးပြည့်စုံစေရန် အားထုတ်ရပေဦးမည်။ မည်သို့ပင်ဖြစ်စေ ဘုရင့်နောင်သည်လည်း လူသားပေမို့ မျက်ရည်တော့ ဝဲတတ်ခဲ့လိမ့်မည် ထင်ပါသည်။

မြန်မာဟင်းလျာစစ်စစ်မှ စားတတ်သော၊ အိမ်ထမင်းဟင်းကိုမှ ကြိုက်တတ်သော ကိုယ့်အတွက် အနောက်တိုင်း၊ ဂျပန်၊ ကိုရီးယား စသည့် အဆင့်မြင့် အစားအသောက်များသည် ခံတွင်းလိုအင်ကို မဖြည့်ဆည်းနိုင်ကြ။ KFC နှင့် Burger King တို့ကိုလည်း ကိုယ် မမက်မော။ အာလူးချောင်းကြော်ပေါ် ချိစ်တွေစမ်းပြီး Pepsi နှင့် မြည်းရန်လည်း ကိုယ် မနှစ်သက်။ သို့ဆိုလျှင် အရာရာသည် ကိုယ့်အတွက် အသစ်အဆန်းတွေဖြစ်ရုံမျှမက ငြီးငွေ့စရာတွေလည်း ဖြစ်စေပြန်သည်။ ပြည့်စုံစွာနေရခြင်းသည် ဤကဲ့သို့သာဆိုလျှင် ကိုယ်သည် မပြည့်စုံသော နေရာတစ်ခုသို့ ရောက်နေရခြင်းပင်။ ကိုယ်နှင့် အံဝင်ခွင်ကျ ဇာတ်ညွှန်းတစ်ပုဒ်မှ ခွဲထွက်၍ ပိုကောင်းမည်ထင်သော ဇာတ်ညွှန်းကို သရုပ်ဆောင်ကြည့်ရန် ကြိုးစားမိကာမှ နိဒါန်းအစမှာပင် အရာရာသည် ကိုယ့်ကို ပြီးခဲ့သော ဇာတ်ညွှန်း၏ အနှစ်သာရများအား ပြန်လည် လွမ်းမောမိစေပြန်သည်။

အရုဏ်ဦး၏ နှိုးစက်သည် ငှက်ကလေးများ၏ အသံစာစာများအစား စက်တပ်ယာဉ်များ၏ နှုတ်ဆက်သံများပင် ဖြစ်ပြန်သည်။ လမ်းတစ်လျှောက် ယူနီဖောင်းဝတ် တစ်ကိုယ်တော် ကျောင်းသားငယ်များကို မြင်ရပြန်တော့ ကိုယ်တို့မြို့က ကျောင်းရှေ့များတွင် မိဘများနှင့် စည်ကားနေတတ်သည်ကို သတိရမိသည်။ အားကိုးတတ်သောစိတ်မွေးဖွားပေးသောနေရာနှင့် နွေးထွေးမှုကိုအစဉ်ထာဝရပေးသော နေရာ… ကွာခြားလွန်းသော နေရာနှစ်ခုအား စိတ်ဝယ်နှိုင်းယှဉ်ကြည့်မိသည်။ ကိုယ့်မိခင်ဘာသာစကားထက် အများသုံးစကားအား လွယ်ကူစွာပြောဆိုကြသော ကလေးငယ်များကို မြင်ပြန်တော့ ရင်ထဲမချိ။ ကိုယ့်မိခင်စာကိုပင် ဖတ်နိုင်ဖို့ဝေးစွ။ လွတ်လပ်စွာနေခွင့်ရသော ရလဒ်အား လွဲမှားစွာ အသုံးချနေကြသော ကိုယ်တို့ မြန်မာမိန်းကလေးငယ်များကို မြင်ရပြန်တော့လည်း ဒေါမနဿဖြစ်ရပြန်သည်။ လူမျိုးတစ်မျိုးစီအတွက် အရေးကြီးဆုံးကဏ္ဍတွင်ပါဝင်သော စာပေနှင့် ယဉ်ကျေးမှုကို ကိုယ့်လူမျိုးများ၏ စိတ်ဝယ် သံမှိုစွဲသလို မြဲစေချင်လှသည်။

Nursing Home … တဲ့။ ကိုယ်တစ်ခေါက်ရောက်သွားချိန် နင့်နင့်သီးသီး ခံစားလိုက်ရသည်။ မထူးဆန်းတော့သည့် ဓလေ့ကို ကိုယ် ဘယ်လိုနည်းနှင့်မျှ လက်မခံနိုင်။ သည် Nursing Home မှာရှိနေသော ကြီးရင့်သူများ၏ စိတ်ထဲတွင် မိမိတို့ ရင်နှစ်သည်းချာ သားသမီးများ၏ ပြုစုယုယုမှုကိုသာ ခံယူချင်နေလိမ့်မည်ဟု ကိုယ် ထင်သည်။ အဆင့်အတန်းမြင့်မှုများအကြားတွင် ပေးဆပ်နေရသော အသည်းနှလုံးတို့ များစွာ ရှိနေပါလိမ့်မည်။

ဘယ်လောက်ပဲမိုးများပါစေ လမ်းတစ်လျှောက် ရေတစ်စက်မျှ မတင်သော ကွန်ကရစ်လမ်းများအစား ကိုယ့်အိမ်ရှေ့က ရေဝပ်နေသော မြေလမ်းကလေးကို လွမ်းမိသည်။ ပူလောင်အိုက်စပ်သော နွေဥတုတွင် ခြင်ထောင်များကြားက ချွေးတရွှဲရွှဲနှင့် အိပ်ရသော ကိုယ့်အိပ်ရာလေးကို သတိရမိသည်။ မနက်လင်းချိန် ကျုံးနံဘေးမှ ပျံ့ဝဲလာသော လေအေးများက ချွေးစို့နေသော ခန္ဓာကိုယ်ကို ပွေ့ဖက်လိုက်ပုံများ အလွန် ရသမြောက်လှသည်။

အရာရာ စနစ်တကျရှိလှသော သည်နေရာတွင် ကိုယ်တိုင်ရေး၍ ကိုယ်တိုင်သရုပ်ဆောင်ရန် ရွေးချယ်ခဲ့မိသည့် ကိုယ့်ဇာတ်ညွှန်းတစ်ပုဒ်… အဆုံးသတ် ဘယ်လိုများဖြစ်နိုင်မည်လဲဆိုတာကိုတော့ ကိုယ် နေ့စဉ်နှင့်အမျှ ပုံဖော်မြင်တွေးကြည့်ရင်း…. မြို့လေးထဲမှ အိမ်၊ အိမ်လေးထဲမှ ကိုယ်ချစ်သော သူများ၊ (စိတ်လိုလက်ရမဟုတ်ပါဘဲ) ကိုယ်ထားရစ်ခဲ့ရသော သူများကို လွမ်းဆွတ်တမ်းတမိသည်မှာလည်း နေ့ရက်များစွာ…။

ပြတင်းပေါက်ခန်းဆီးစကို ဆွဲဖယ်လိုက်စဉ် အပြင်ဘက်မှ မိုးငွေ့ပါသော လေအေးများ တိုးဝင်လာကြရာ… ကိုယ့်လက်ထဲမှ အေးစက်နေသော ကော်ဖီခွက်လေးက ကိုယ့်ကို မချိပြုံးလေး ပြုံးပြနေသည်။ ဟုတ်ပေသားပဲ… ကိုယ်က လ္ဘက်ရည်ကိုသာ နှစ်ခြိုက်သူဆိုတော့ သူ့ဆီက အေးစက်စက် မချိပြုံးလေးရတာ ဆန်းမှမဆန်းဘဲ။

ဂျွန်မိုး

27-5-2013 (9:57 PM)

အရိပ်ခြေရာ

            နေရောင်အနည်းငယ်သာ ထိုးသော၊ အပူသိပ်မပြင်းသော အဘွားတို့၏အိမ်ရှေ့ မြေကွက်လပ်ကျဉ်းကျဉ်းတွင် ကျွန်မ ဝါးကုလားထိုင်တစ်လုံးနှင့် စာဖတ်နေခဲ့သည်။ ကျွန်မတို့နှင့် အဘွားတို့အိမ်သည် ဝင်းတစ်ဝင်းထဲတွင် အတူဆောက်ထားခြင်းပင်။ နှစ်အိမ့်တစ်အိမ်ဟု ခေါ်၍လည်းရသည်။ အဘွားတို့ အိမ်ရှေ့ ခပ်ကျဉ်းကျဉ်း နေရာလွတ်သည် နေ့လည်နေ့ခင်း ခြေလက်အညောင်းဆန့်၍ စာထိုင်ဖတ်၍ရသော ကျွန်မတစ်ဦးတည်းပိုင် နေရာဖြစ်သည်။ ဝါးကုလားထိုင်ပေါ်မှ လှမ်းကြည့်လျှင် အိမ်ရှေ့အား သွပ်မိုးအကာနှင့် အဖီချထားသော ကျွန်မအမေ၏ စာသင်ခန်းအား မြင်တွေ့နိုင်သည်။ သွပ်မိုးအရှိန်ကြောင့် နေ့ခင်းနေ့လည်ဆိုလျှင် ဝင်ထိုင်၍ မရအောင် ပူပြင်းလွန်းလှသည်။

            အဖီချထားသော စာသင်ခန်းရှေ့တွင်ရှိ ကစ်စ်မီကွစ်၊ လာဘ်ခေါ်ဂမုန်း၊  ရွက်လှပန်း၊ ယုဇနပင် စသည့် ပန်းအိုးငယ်လေးများသည် အလှဆင်ပန်းသက်သက်သာ။ ထိုပန်းအိုးငယ်လေးများကလည်း နေရောင်ကို လုံလောက်စွာ မိုးမပေးနိုင်။ အလှစိုက် ပန်းအိုးများအား တယုတယနှင့် ပြုစုနေခြင်းသည် ကျွန်မ ကိုယ်တိုင်လည်း ပန်းများချစ်တတ်သူ ဖြစ်သောကြောင့်နှင့် အိမ်ရှေ့မျက်နှာစာအား အလှဆင်ပေးနေသော ပန်းလေးများ အမြဲရှင်သန်စေလိုသောကြောင့်ပင်။ ထို့အတွက် နေရောင်အတော်အသင့်ကာနိုင်စေရန် ယင်းလိပ်တစ်လိပ် အမြဲဖြန့်ချထားရသည်။

            သို့သော် ကျွန်မရင်ထဲ အမြဲတစေ လွှမ်းမိုးထားသော အရိပ်တစ်ခုအား ဘယ်သောအခါမျှ မမေ့နိုင်။ ထိုအရာသည် ကျွန်မရင်ကိုသာ အေးချမ်းရိပ်ပေးနိုင်ခဲ့ရုံတင်မဟုတ်၊ ကျွန်မတို့ မိသားစုအားလည်း ကြီးမားသော၊ ငြိမ်းချမ်းသော အရိပ်အာဝါသတစ်ခုကို ကာလကြာရှည်စွာ ပေးနိုင်ခဲ့သည်။ ထိုအရာသည် ကျွန်မ ငယ်စဉ် လူမှန်းသိတတ်စအရွယ်ကတည်းက အသက်ဆယ့်ခြောက်နှစ်ထိ အတူနေလာခဲ့သော ကျွန်မ အရင်းနှီးဆုံး သူငယ်ချင်းတစ်ဦးလည်းဖြစ်သော အိမ်ရှေ့ရှိ "ဗာဒံပင်" ကြီးပင်။

            ကျောင်းပိတ်ရက်များ၏ နွေနေ့ခင်းများတွင် ဗာဒံပင်အောက်၌ ကျွန်မတို့ ညီအစ်မနှစ်ယောက် ဗာဒံသီးထုစားကြသည်။ ကြွေကျသော ဗာဒံသီးများ၊ ဗာဒံရွက်များဗရပွနှင့် အိမ်ရှေ့ဝင်းကျဉ်းကျဉ်းသည် ကျွန်မတို့အတွက် အေးမြရိပ်မြုံလေးပင်။ ကစားကွင်းများကိုလည်း မမက်မောခဲ့။ အိမ်ရှေ့ဝင်းထဲမှာပဲ ကျွန်မတို့ ကြက်တောင်ရိုက်ကြသည်။ ဘောလုံးကန်ကြသည်။ ထမင်းချက်တမ်း ကစားကြသည်။ ကစားစရာနည်းမျိုးစုံနှင့် သည်အိမ်ဝင်းလေးထဲမှာ ကျောင်းပိတ်ရက်များကို ကုန်ဆုံးကြသည်။

            ညနေစောင်းလျှင် ကျွန်မထက်ကြီးသော၊ ငယ်သော၊ ရွယ်တူကလေးများ လမ်းပေါ် အစီအရီ ထွက်လာကြသည်။ ကျွန်မတို့ ကလေးတစ်သိုက် ဗာဒံပင်အောက်တွင် ပေသီးပစ်ကြသည်။ ဇယ်ခုတ်တမ်းကစားကြသည်။ ဗာဒံသီး အဆံမပျက်အောင်ထုတမ်း ဆော့ကြသည်။ ဂျင်ပေါက်ကြသည်။ ဒိုးပစ်ကြသည်။ သရေကွင်းပစ်ကြသည်။

            ကျွန်မတို့ လမ်းထဲတွင် ဗာဒံပင်၊ အုန်းပင်၊ ပိတာက်ပင်၊ စက္ကူပန်းပင် စသည့် အရိပ်ရအပင်ကြီးများနှင့် အလှပန်းပင်များ များပြားစွာ ရှိကြရာ နေဝင်ဖျိုးဖြချိန်ရောက်လျှင် ထိုအပင်ကြီးများသည် ကျွန်မတို့၏ ကစားဖော်များ ဖြစ်သွားကြသည်။ ပုန်း၍မကွယ်နိုင်သော အပင်ကြီးများနောက်တွင် တူတူပုန်းတမ်း ကစားကြသည်။ အပင်လုတမ်း ဆော့ကြသည်။ အပင်ကြီးများကိုဖက်၍ လိုက်တမ်း၊ ပြေးတမ်း ကစားကြသည်။ ညနေခင်းချိန်ခါသည် ကျွန်မတို့အတွက် မက်မောစရာကောင်းလှသည်။ ကျောင်းမှပြန်ရောက်လျှင် စာအမြန်ကျက်၊ တွက်စရာရှိတာ အမြန်တွက်ရသည်။ ဒါမှ သူများကစားလျှင် ကိုယ်ပါ ကစားနိုင်မည်။ ကျောင်းစာအားလုံးပြီး ညနေစောင်းလျှင်  လမ်းပေါ်တွင် တစ်ယောက်စ၊ နှစ်ယောက်စမှ ဆယ့်ငါးယောက်၊ အယောက်နှစ်ဆယ်ရှိသော ကလေးတစ်သိုက်တို့၏ ဆူညံစွာ ဆော့ကစားသံများ ပွက်လောရိုက်သွားသည်။ ကျွန်မတို့အတွက် စာကျက်ပြီးသည့်အချိန်သည် ကစားချိန်ပင်။ မည်သည့်စာကျက်ဝိုင်းမှလည်း သွားရန်မလို။ ကျူရှင်ဆိုသည်ကို နားရည်ဝဖို့ရန်လည်း ထိုခေတ်ထိုအခါက ထိုအသုံးအနှုန်း မတွင်ကျယ်သေးပေ။

            မှတ်မှတ်ရရ တစ်ခုသောနေ့မှာတော့ ကျွန်မတို့ချစ်သော ကျွန်မ၏ ငယ်သူငယ်ချင်းလည်းဖြစ်၊ ကစားဖော်လည်းဖြစ်သော "ဗာဒံပင်" ကြီး ကျွန်မတို့ အိမ်ရှေ့မှ တသက်တာ ကွယ်ပျောက်သွားခဲ့တော့သည်။ ထိုနေ့သည် ကျွန်မ ဆယ်တန်းစာမေးပွဲကြီးနီးသည့်အတွက် အိမ်ရှေ့ဝင်းထဲတွင် စာကျက်နေသည့်နေ့တစ်နေ့။ ခနော်နီ၊ ခနော်နဲ့ အိမ်ရှေ့ခြံဝင်းတံခါးအား အုတ်တံတိုင်းနှင့် အစားထိုးရန်အတွက် မလွတ်မကင်းဖြစ်နေသော ထို "ဗာဒံပင်" ကြီးအား အမြစ်မှစ ခုတ်လှဲလိုက်ကြလေတော့သည်။ ထိုနေ့မှစ၍ ကျွန်မအား ငယ်စဉ်မှစ ပျော်ရွှင်မှုကို ပေးခဲ့သော၊ အေးချမ်းမှုကိုပေးခဲ့သော သူငယ်ချင်းတစ်ဦးကို ဆုံးရှုံးလိုက်ရပါတော့သည်။

            ခေတ်တွေတရွေ့ရွေ့ပြောင်းလဲလာသည်နှင့်အမျှ အရာအားလုံးသည်လည်း အရွေ့စနစ်အရ လိုက်ရွေ့ကြရသည်။ ယခုခေတ် Tablet ကွန်ပျူတာလေးများကို မြင်တိုင်း ငယ်ငယ်က ကျောက်သင်ပုန်းကို လွမ်းနေမိတတ်ပြန်သည်။ ကျွန်မတို့ခေတ်က ကျောက်သင်ပုန်းပေါ်မှာ ကျောက်တံသုံးပြီး "ဝ" လုံးကို ဝိုင်းအောင်ရေးခဲ့ကြသည်။ မဝိုင်းလျှင် အဝတ်စနှင့်ဖျက်ပြီး မဝိုင်းမချင်း ပြိုင်ရေးကြသည်။ ကျောက်သင်ပုန်းနှင့် ကျောက်တံ ကိုင်ရသည်ကိုပင် ဂုဏ်ယူနေခဲ့မိသည်။ ဝိုင်းအောင်ရေးနိုင်သူကို မရေးနိုင်သူက ကြာဇံငါးမူးဖိုး ဝယ်ကျွေးရသည်။ ကျွန်မ၏ တစ်ရက် ကျောင်းမုန့်ဖိုးသည် တစ်ကျပ်သာ။ ကြာဇံငါးမူးဖိုး အချဉ်ရည်စမ်းစား၊ ဟင်းရည်သောက်လျှင် ဗိုက်ဝသောကြောင့် ကျွန်မက မနက်မုန့်စားဆင်းချိန် ငါးမူးဖိုးနှင့် နေ့ခင်း ငါးမူးဖိုး ခွဲစားတတ်သည်။ ပိုက်ဆံတစ်ကျပ်သည် ကျွန်မအား သူငယ်ချင်းများကြား မျက်နှာပန်းလှစေခဲ့လေသည်။

            မှတ်မှတ်ရရ အလယ်တန်းတွင် တစ်ရက် သုံးကျပ်သုံးရ၍ ၊ အထက်တန်းရောက်ချိန်တွင် တစ်ဆယ်သုံးရသည်။ ထိုအချိန်က ပိုက်ဆံတစ်ဆယ်သည် ကျွန်မအတွက် များလွန်းလှသည်။ ကာလအတော်အတန် ရွေ့လာသောအခါ ပိုက်ဆံတစ်ဆယ်ကိုပင် များလွန်းသည်ထင်ခဲ့သော ကျွန်မထံသို့ ပုံစံအမျိုးမျိုးနှင့်ရောက်လာသော ငွေစက္ကူများသည် တန်ဖိုးအမျိုးမျိုး ပြောင်းလဲခဲ့လေပြီ။ ထို့အတူ ကျွန်မ၏ လိုအင်တို့သည်လည်း မကုန်ဆုံးနိုင်အောင် များပြားလာခဲ့သည်။ ထိုအခါ ငယ်စဉ်က ပိုက်ဆံတစ်ကျပ်ကိုင်ရသည်ကို ဂုဏ်ယူခဲ့သော ကျွန်မကိုယ်ကို ကျွန်မ ပြန်ရှာဖွေနေမိပြန်သည်။

            နေဝင်ချိန် ညနေစောင်းပြီဆိုလျှင် ကျွန်မ မျှော်လင့်မိသော ကလေးငယ်များ၏မြူးထူးသံများ အိမ်ရှေ့လမ်းမထက်မှ ဝေ့ဝဲပျံလာဦးမည်လားဟု နားစွင့်နေမိပြန်သည်။ စင်စစ် ကျွန်မသည် ပြန်မရနိုင်တော့သည့် အတိတ်ကိုမှ ပြန်လည် ချဉ်ခြင်းတက်နေမိခြင်းသာ။

            အနောက်မိုးကုတ်စက်ဝိုင်းတွင် လိမ္မော်ရောင်သန်းချိန် လမ်းပေါ်တွင် အဖြူ၊အစိမ်း ဝတ်စုံနှင့် လွယ်အိတ်များလွယ်၍ ကျူရှင်မှပြန်လာကြသော ကလေးများကို တွေ့ရသည်။ တချို့က အိမ်လာသင်ဦးမည့် ဂိုက်ဆရာမနှင့် စခန်းသွားဦးမည်။ တချို့က စာကျက်ဝိုင်းရှိရာ၊ တချို့က နောက်ထပ် ကျူရှင်ဝိုင်းတစ်ခုဆီသို့။ သည်လိုနှင့် ကျွန်မမျှော်လင့်မိနေသော လမ်းမထက်မှ မြူးထူးသံများအစား ဟိုသည်အိမ်များမှ ပျံ့လွင့်လာမည့် အသံစာစာများ ကြားရဦးမည်။ သေချာပါသည်။ ကြယ်ပွင့်များ ဟိုတစ်စ သည်တစ်စ နိုးထလာသည့်တိုင် သူတို့လေးတွေ၏ အသံစာစာလေးများသည် ဝီရိယကောင်းစွာ ညံနေပေလိမ့်ဦးမည်။ တချို့ အရိပ်ရအပင်ကြီးများလည်း ခေတ်၏အရွေ့တွင် ကွယ်ပျောက်ခဲ့ကြရသည်။ လမ်းထဲတွင် ပိတောက်ပင်တစ်ပင်နှင့် စက္ကူပန်းပင်တို့သာ ထီးထီးတည်း အဖော်မဲ့စွာ ကျန်နေခဲ့ကြသည်။ သူတို့က မျှော်ရမည့်သူတွေလည်း မရှိတော့သလို သူတို့နှင့် ရင်းနှီးပျော်ရွှင်စွာ ဆော့ကစားမည့် ကလေးငယ်များလည်း တဖြည်းဖြည်းနှင့် မရှိသလောက် ရှားပါးခဲ့လေပြီ။ ခေတ်အဟုန်သည် တဟုန်ထိုး တိုးတက်လာခဲ့သည်။ ပြောင်းလဲလာသော ခေတ်စနစ်ကို အမှီလိုက်နေကြရသော ယခုခေတ် ကလေးများ၊ လူငယ်များ၏ စိတ်အာဟာရ၊ နှလုံးသားအာဟာရများရော ပြည့်ဝပါရဲ့လား။ စိတ်ဓာတ်နှင့် ကာယကြံ့ခိုင်ရေးများ သန်စွမ်းပါရဲ့လား။ အတွေးများစွာနှင့် တစ်ကိုယ်တည်း ယောက်ယက်ခတ်နေချိန်တိုင်း အတိတ်ဆီမှ လမ်းမထက်က ဆူညံသော အော်ဟစ်သံလေးများ၊ လန်းဆန်းတက်ကြွသော လှုပ်ရှားမှုများသည် ကျွန်မ၏ အာရုံတွင်းသို့ ပြကွက်များလို တစ်ကွက်ပြီးတစ်ကွက် ချဉ်းနင်းဝင်ရောက်လာကြတော့သည်။

            ကျွန်မ၏ အတွေးရပ်ဝန်းထဲသို့ ဂွေလှိမ့်နေသော ကလေးများ၊ ဂျင်ပေါက်၊ သရေကွင်းပစ်၊ ဒိုးပစ်နေသော ကလေးများ၊ ထုပ်ဆီးထိုးနေကြသော၊ ဇယ်ခုတ်နေကြသော ကလေးများ၊ ရီထိုးတမ်းကစားနေသော မိန်းကလေးငယ်များ၊ ဘောလုံးကန်နေကြသော ကျွန်မအပါအဝင် ကလေးတစ်သိုက် စသည့် ကစားဟန်များနှင့် ချစ်စရာကလေးငယ်များ ပြန်လည်ခိုဝင်တွယ်ငြိလာကြချိန် ရုတ်တရက်ဘေးမှ ဖုန်းမြည်သံကြောင့် အတွေးစတို့ ပြတ်တောက်သွားသည်။ သည်နေ့ သူငယ်ချင်းနှင့်အတူ ပြည်ပအလုပ်အကိုင် ရှာဖွေရေး ကုမ္ပဏီတစ်ခုသို့ အင်တာဗျူးကိစ္စအတွက် သွားရဦးမည်။ ကျွန်မသည်လည်း ယခုခေတ် လူငယ်များနည်းတူ ပစ္စုပ္ပန် ဝဲဂယက်ထဲတွင် ရပ်တည်နိုင်အောင် ကြိုးစားနေရဆဲ။

            အနာဂတ်ကို လှမ်းမျှော်ကြည့်မိတော့ (၃)နှစ်အရွယ် မူကြိုကလေးတစ်ယောက်သည် သူ့လွယ်အိတ်ထဲတွင် ကွန်ပျူတာအသေးစားလေးထည့်၍ ကျောင်းတက်လိမ့်မည်။ အားလပ်ချိန်တွင် ကွန်ပျူတာထဲမှ မိတ်ဆွေ၊ သူငယ်ချင်းများ နှင့် စကားပြောလိမ့်မည်။ သူတို့အတွက် ကျယ်ပြန့်ကောင်းမွန်သော ကစားကွင်းမလိုတော့။ ပြင်ပကစားစရာ ပစ္စည်းများလည်း အရေးမကြီးတော့။ အွန်လိုင်းပေါ်တွင် သူတို့ကစားလိုသော ဂိမ်းများ စိတ်တိုင်းကျ ဆော့နေနိုင်ပြီ။ အပြင်မှ သူငယ်ချင်းများနှင့်လည်း ရန်မဖြစ်အား။ အွန်လိုင်းရှိလျှင် သူတို့အတွက် ပြည့်စုံလေပြီ။ သဘာဝပတ်ဝန်းကျင်ကိုလည်း စိတ်မဝင်စားအားတော့။ သည်လိုနှင့်… သည်လိုနှင့်ပင်… သူတို့လေးတွေသည် အဓိပ္ပါယ်ရှိသော ဘဝများကို တကယ်ပိုင်ဆိုင်ကြလိမ့်မယ်ဆိုတာ သေချာပါရဲ့လားဟု မျှော်တွေးကြည့်မိတော့ ကျွန်မစိတ်လေး နာဖျားဖျားသွားသည်။

            ကျွန်မကတော့ အဓိပ္ပါယ်ပြည့်ဝသော ငယ်စဉ်ကလေးဘဝကို အပြည့်အဝ ပိုင်ဆိုင်ခွင့်ရခဲ့သဖြင့် တွေးမိတိုင်း ကျေနပ်မိသည်။ တိုက်ဆိုင်မှုရှိတိုင်း ငယ်ပေါင်းသူငယ်ချင်း "ဗာဒံပင်" ကြီးကိုလွမ်းသည်။ လမ်းမပေါ်တွင် အတူကစားခဲ့ကြသည့် သူငယ်ချင်းများကိုလည်း လွမ်းသည်။ ကစားနည်းမျိုးစုံကိုလည်း ဖြစ်နိုင်လျှင် ပြန်လည်၍ ကစားချင်သေးသည်။

           

            ရွှေစွန်ညိုကြီးရော မထွေးလေးကို ဖမ်းမိဖို့ ခုချိန်ထိ ကြိုးစားဆဲပဲလား…။

            အရူးမကြီး မစာဥရော ဘယ်ဆီဘယ်ဝယ် ရောက်နေသည် မသိတော့။

            လူကြုံများရှိလျှင်ဖြင့် ကျွန်မ သူတို့ကို ပြန်တမ်းတ လွမ်းဆွတ်နေကြောင်း စကားပါးလိုက်ချင်ပါသေးသည်။

ဂျွန်မိုး   

08022013 (9:25 PM)